اسلام آباد(بيورو رپورٽ) مسلم ليگي اڳواڻ نهال هاشمي کي سنڌ جو گورنر مقرر ڪرڻ جو فيصلو ڪيو ويو آهي.وزيراعظم آفيس پاران جاري ڪيل بيان ۾ چيو ويو آهي ته وزيراعظم شهباز شريف منظوري لاءِ سمري صدر پاڪستان ڏانهن موڪلي ڇڏي آهي.وزيراعظم نهال هاشمي سان ملاقات ڪئي ۽ کيس سنڌ جو گورنر مقرر ٿيڻ تي مبارڪباد ڏني. ملاقات ۾ رانا ثناءُ الله، اسحاق ڊار ۽ ٻيا به موجود هئا.وزيراعظم طرفان سنڌ جو گورنر نامزد ڪرڻ کانپوءِ نهال هاشمي جو پهريون بيان اچي ويو.نهال هاشمي پنهنجي بيان ۾ چيو ته الله جو شڪر ادا ڪيان ٿو، وزيراعظم ۽ ن ليگ قائد نواز شريف جو به ٿورائتو آهيان.هن صدر آصف علي زرداري جا به ٿورا مڃيا ۽ چيو ته حلف برداري کانپوءِ پنهنجي ترجيحن کان آگاهه ڪندس.
