اسلام آباد (بيورو رپورٽ)اسلام آباد جي دهشتگردي جي خاتمي واري عدالت ايمان مزاري ۽ هادي علي چٺا کي ضمانت ڏئي ڇڏي.دهشتگردي جي خاتمي واري عدالت جي جج ابوالحسنات محمد ذوالقرنين ايمان مزاري ۽ هادي علي چٺا خلاف پوليس سان جهيڙي ۽ احتجاج ڪرڻ جي ڪيس ۾ داخل ڪيل ضمانت جي درخواستن جي ٻڌڻي ڪئي.ايمان مزاري ۽ هادي علي جي طرفان، رياست علي آزاد پنهنجي دليلن ۾ چيو ته هي بي بنياد ڪيس ٺاهيو ويو هو ۽ اوچتو سامهون آيو. مان پاڻ هن ڪيس ۾ هڪ ملزم آهيان، پر اسان کي خبر نه هئي ته هي ايف آءِ آر درج ڪئي وئي آهي.رياست علي آزاد موقف اختيار ڪيو ته ايف آءِ آر هڪ من گھڙت ۽ بي بنياد واقعي تي داخل ڪئي وئي آهي جنهن جو ڪو به وجود ناهي.عدالت ڌرين جا دليل مڪمل ٿيڻ کان پوءِ پنهنجو فيصلو ٻڌايو ۽ ٻنهي کي ضمانت ڏني.عدالت ايمان مزاري ۽ هادي علي کي 10 هزار رپين جي مچلڪن جي بدلي ۾ گرفتاري کان پوءِ ضمانت ڏني.ايمان مزاري ۽ هادي علي خلاف سيڪريٽريٽ پوليس اسٽيشن ۾ ڪيس داخل ڪيو ويو آهي.
