اسلام آباد (بيورو رپورٽ)اسلام آباد جي دهشتگردي ٽوڙ عدالت ڊي چوڪ تي پي ٽي آءِ جي احتجاج دوران گرفتار 32 جوابدارن کي بري ڪري ڇڏيو.ڊي چوڪ تي احتجاج دوران گرفتار ٿيل 32 جوابدارن کي رات دير سان دهشتگردي جي انت واري عدالت جي جج ابوالحسنات ذوالقرنين جي عدالت ۾ پيش ڪيو ويو، جنهن جي سڃاڻپ پريڊ لاءِ ڪئي وئي. جج ابو الحسنات ذوالقرنين رات دير سان جهلم جيل مان جوابدارن جي سڃاڻپ پريڊ لاءِ پيش ٿيڻ تي ڪاوڙ جو اظهار ڪيو. جوابدارن طرفان سندن وڪيل انصار ڪياني پيش ٿيو.جاچ آفيسر چيو ته جوابدارن کي 25 نومبر تي گرفتار ڪيو ويو پر سڃاڻپ پريڊ نه ٿي سگهي، جوابدارن جو 30 ڏينهن جو جسماني رمانڊ منظور ڪيو وڃي.وڪيل صفائي انصار ڪياني جو چوڻ هو ته پوليس تعداد پورو ڪرڻ لاءِ ڪارڪنن کي گهرن مان گرفتار ڪيو.عدالت ڪمري ۾ موجود 32 جوابدارن جا هٿڪڙيون هٽائي کين ڪيسن مان بري ڪري ڇڏيو.جج ابوالحسنات ذوالقرنين رمارڪس ڏنا ته جيڪڏهن پوليس کيس ٻيهر گرفتار ڪندي ته پوليس اهلڪارن کي هٿڪڙيون هڻي ڇڏيندو.
