ڪوئيٽا (ويب ڊيسڪ) ڪوئيٽا جي بلوچ خان ڪالوني جي مشرقي باءِ پاس واري علائقي ۾ فائرنگ جو افسوسناڪ واقعو پيش آيو، جتي مبينا طور هڪ شخص جي فائرنگ ۾ سندس ڀاءُ ڪفايت الله مارجي ويو، جڏهن ته دولت ۽ الطاف زخمي ٿي پيا. پوليس موجب واقعو ٿاڻي خالق شهيد جي حدن ۾ پيش آيو. واقعي کانپوءِ جوابدار فرار ٿي ويو، جنهن جي گرفتاري لاءِ ڇاپا هنيا پيا وڃن. زخمين کي طبي امداد لاءِ اسپتال منتقل ڪيو ويو آهي، جڏهن ته واقعي جا سبب معلوم ڪرڻ لاءِ وڌيڪ جاچ جاري آهي.
