ڪراچي(اسٽاف رپورٽر)قانون لاڳو ڪندڙ اداري ڪراچي ۾ تازو ٿيل ڌماڪن جي تجزياتي رپورٽ تيار ڪري ورتي آهي.ڪراچي ۾ تازو ٿيل ڌماڪن بابت قانون لاڳو ڪندڙ اداري جي تجزياتي رپورٽ ۾ اهم انڪشاف سامهون آيا آهن.رپورٽ موجب ڪراچي ۾ آپگهاتي ڌماڪي سميت ٽنهي بم ڌماڪن ۾ ڀارتي ڳجهي ايجنسي را ملوث آهي.رپورٽ موجب ڪراچي جي علائقي صدر ۽ کھارادر ۾ بولٽن مارڪيٽ ڌماڪن ۾ ٽن دهشتگرد گروپن هڪ ٻئي جي مدد ڪئي رپورٽ موجب علائقي جي ريڪي جو ڪم مبينا طور تي يونائيٽيڊ لنڊن جي سليپر سيل مان ورتو ويو.رپورٽ ۾ وڌيڪ چيو ويو آهي ته ماضي ۾ اهڙا بم ٺاهڻ ۽ پلانٽ ڪرڻ ۽ ان کي ڊسٽرڪٽ ڪرڻ پابندي مڙهيل تنظيم بي ايل اي جو طريقو رهيو آهي جڏهن ته صوبي جي ڏورانهن علائقن ۾ ايس آر اي به ائين ئي ڪندي رهي آهي. رپورٽ موجب تازا ڌماڪا بم ڌماڪن ۽ پابندي مڙهيل تنظيم ايس آر اي جي مدد سان ڪيا ويا، جڏهن ته ڌماڪن جو مقصد قانون لاڳو ڪندڙ ادارن سان گڏ تجارتي علائقن کي نشانو بڻائڻ هو.
