پي ٽي آءِ پاران اين اي 249 جي چونڊ رد ڪرڻ جي درخواست

ڪراچي (اسٽاف رپورٽر) پاڪستان تحريڪ انصاف(پي ٽي آءِ) تڪ اين اي 249 ۾ ٿيندڙ ننڍي چونڊ ڪالعدم قرار ڏيڻ جي درخواست داخل ڪري ڇڏي.پاڪستان تحريڪ انصاف طرفان اليڪشن ڪميشن ۾ جمع ڪرايل درخواست ۾ موقف اختيار ڪيو ويو آهي ته اليڪشن کان اڳ 17 هزار  ماڻهن جا ووٽ ٻين شهرن ڏانهن منتقل ڪيا ويا. درخواست ۾ چيو ويو آهي ته چونڊ جي لاءِ مقرر ڪيل اسٽاف ۾ تعليم کاتي جي من پسند  آفيسرن کي پريزائيڊنگ آفيسر مقرر ڪيو ويو.درخواست ۾ اليڪشن ڪميشن کان استدعا ڪئي وئي آهي ته ڌانڌلي سبب اين اي 249 جي ننڍي چونڊ کي ڪالعدم قرار ڏنو وڃي. درخواست ۾ چيو ويو ته پيپلز پارٽي پنهنجي اميدوار کي کٽرائڻ جي لاءِ ترقياتي منصوبا شروع ڪيا ۽ ڪيترين ئي پولنگ اسٽيشنن تي فارم 45 پولنگ ايجنٽس کي نه ڏنا ويا.ان کان علاوه اين اي 249 ننڍي چونڊ ۾ ووٽن جي ٻيهر ڳڻپ جي دوران پيپلز پارٽي کان علاه سمورين پارٽين  ڳڻپ جو بائيڪاٽ ڪري ڇڏيو.

پهنجو تبصرو موڪليو