اسلام آباد(بيورو) پاڪستان تحريڪ انصاف اليڪشن ڪميشن جي نئين تڪ بندين جي شيڊول کي سپريم ڪورٽ ۾ چئلينج ڪري ڇڏيو آهي. پي ٽي آءِ جي جنرل سيڪريٽري اسد عمر آرٽيڪل 184 III تحت عدالت ۾ درخواست داخل ڪرائي آهي، جنهن ۾ شماريات کاتي، وفاق، اليڪشن ڪميشن، سيڪريٽري اليڪشن ڪميشن، صوبائي چيف سيڪريٽريز ۽ ڪابينا سيڪريٽريٽ کي ڌر بڻايو ويو آهي. پي ٽي آءِ درخواست ۾ موقف اختيار ڪيو آهي ته نئين آدمشماري ٿيڻ تائين نئين تڪبندين جي ضرورت ناهي، اليڪشن ڪميشن جي تڪبندين جو شيڊول آئين ۽ قانون جي خلاف آهي. درخواست ۾ استدعا ڪئي وئي آهي ته اليڪشن ڪميشن طرفان جاري ڪيل شيڊول کي غير آئيني ۽ غير قانوني قرار ڏنو وڃي، اليڪشن ڪميشن ۽ سيڪريٽري اليڪشن ڪميشن کي حڪم ڏنو وڃي ته چونڊ عمل کي يقيني بڻايو وڃي، اليڪشن ڪميشن کي چونڊ عمل ۾ ڪنهن به قسم جي دير کان روڪيو وڃي ۽ بنا دير حد بندين کي ڪالعدم قرار ڏنو وڃي. 3مئي 2018 صحيح آهن.
