اسلام آباد(ويب ڊيسڪ)پاڪستان تحريڪ انصاف (پي ٽي آءِ) پنهنجي ڪارڪنن کي عام چونڊن لاءِ تياريون شروع ڪرڻ جي هدايت ڪندي 2 لک ماڻهن کي اسلام آباد آڻڻ جي انتظامن کي حتمي شڪل ڏيڻ لاءِ ڪور ڪميٽي ۽ پارلياماني پارٽي جو اجلاس طلب ڪري ورتو آهي.رپورٽ موجب پي ٽي آءِ چيئرمين عمران خان جي صدارت هيٺ ٿيل اجلاس ۾ فيصلو ڪيو ويو ته وفاقي گادي واري هنڌ پاڪستان جي آزادي ۽ خودمختياري لاءِ 2 لک ماڻهو گڏ ڪيا ويندا. هن چيو ته پي ٽي آءِ جي ڪور ڪميٽي ۽ پارلياماني پارٽي جو اجلاس 9 مئي تي ٿيندو جنهن ۾ آزادي مارچ جي انتظامن کي حتمي شڪل ڏني ويندي. ان کان علاوه پارٽي ڪارڪنن کي هدايت ڪئي وئي آهي ته هو سڄي ملڪ ۾ پي ٽي آءِ جي سمورن تنظيمن ۽ ڪميٽين جا اجلاس گهرائي عام چونڊن لاءِ تياريون شروع ڪن. ان کانسواءِ پي ٽي آءِ جي فنانس ٽيم اقتصادي ۽ توانائي جي بحران کي منهن ڏيڻ لاءِ مسلم ليگ ن جي اتحادي حڪومت جي صلاحيت تي سوال اٿاريا.
