اسلام آباد (بيورو رپورٽ) پاڪستان ۽ آمريڪا جي وچ ۾ گڏيل تجارتي معاهدي تي ڳالهه ٻولهه جو واشنگٽن ۾ آغاز ٿي ويو آهي. ان موقعي تي واپار ۽ ٽيرف سان لاڳاپيل معاملن تي تفصيلي ڳالهه ٻولهه ڪئي وئي.پرڏيهي وزارت جي ترجمان موجب، پاڪستاني وفد جي اڳواڻي تجارت وارو سيڪريٽري جواد پال ڪري رهيو آهي. پاڪستان ۽ آمريڪا وچ ۾ ”ريسيپروڪل ٽريڊ ايگريمينٽ“ (گڏيل تجارتي معاهدي) تي ڳالهه ٻولهه جمعي ڏينهن به جاري رهندي.
