بيجنگ (ويب ڊيسڪ)پاڪستان ۽ چين جانورن جي صنعت ۾ جدت، جديد ٽيڪسٽائل انڊسٽريل پارڪ جي قيام ۽ فائر ٽرڪن ۽ ايمرجنسي سامان جي فراهمي ۽ خدمتن لاءِ هڪ مفاهمت جي يادداشت (ايم او يو) تي صحيحون ڪيون آهن.صدر آصف علي زرداري جي موجودگي ۾ چين جي شهر ارومچي ۾ ٽي مفاهمت جي يادداشتن تي صحيحون ڪيون ويون.صدر آصف علي زرداري چيو ته اهي مفاهمت جي يادداشتون خوراڪ جي حفاظت، صنعتي ترقي، برآمدات ۽ آفت جي انتظام جي صلاحيت کي بهتر بڻائينديون، جڏهن ته جانورن جي شعبي جي بهتري سان ڳوٺاڻن روزگار جا موقعا وڌندا.صدر چيو ته ٽيڪسٽائل پارڪ جي قيام سان برآمدات ۽ صنعتي ترقي کي فروغ ملندو، جڏهن ته جديد فائر ٽرڪون ۽ سامان عوامي حفاظت ۽ هنگامي ردعمل کي مضبوط بڻائيندا.سينيٽر سليم مانڊوي والا، سنڌ جو توانائي وارو وزير ناصر حسين شاهه، پاڪستاني ۽ چيني سفير پڻ ان موقعي تي موجود هئا.
