اسلام آباد(بيورو)اڳوڻي گهرو وزير شيخ رشيد جو چوڻ آهي ته پيٽرول ۽ بجلي مهانگي ٿيڻ واري آهي، آءِ ايم ايف کي خبر آهي ته ڪمزور اڪثريت آهي، وقت پري ناهي جڏهن ڪارخانا ۽ دڪان بند ٿي ويندا، ماڻهو روڊن تي هوندا.عوامي مسلم ليگ جي سربراهه شيخ رشيد هڪ بيان ۾ چيو آهي ته ٻوڏ سياسي پوائنٽ اسڪورنگ بڻجي وئي آهي. هن چيو ته دوست ملڪ ڪيش نه پر سيڙپڪاري جي ڳالهه ڪري رهيا آهن، ڊالر 3 رپيا مهانگو ٿي ويو آهي.شيخ رشيد وڌيڪ چيو ته پابندي مڙهيل فنڊنگ، توشاخاني ۽ توهين عدالت جي ڪيسن مان حڪومت کي ڪجهه نه ملندو.هن وڌيڪ چيو ته وزيرن جي جمعي بازار شروع ٿي وئي آهي، ڪيترن ئي وزيرن کي پنهنجا قلمدان ناهن مليا.
