ماسڪو(ويب ڊيسڪ)روسي عدالت يوڪرين تي روسي حملي جي مخالفت ڪندڙ عورت صحافي کي ڏنڊ لڳايو.ميڊيا رپورٽن موجب روسي عدالت ٽي وي تي لائيو نشريات دوران يوڪرين جي حق ۾ بينر کڻي بيهڻ تي خاتون صحافي مارينا آفسيانڪووا کي ڏنڊ لڳايو آهي. روسي عدالت هڪ عورت صحافي کي روسي فوج کي بدنام ڪرڻ تي 50,000 روبل ($ 806) ڏنڊ ادا ڪرڻ جو حڪم ڏنو.عدالت چيو ته سرڪاري ٽي وي جي اڳوڻي ايڊيٽر خلاف ثبوتن ۾ کيس فوج کي بدنام ڪرڻ جي ڏوهه ۾ سزا ملي آهي ۽ عدالت کي سندس ڪارروائي تي ڪوبه شڪ ناهي.عورت صحافي عدالت جي سموري ڪارروائي کي رد ڪندي ان کي مذاق قرار ڏنو.
