اسلام آباد (بيورو رپورٽ)حڪومت ڪورونا وائرس جي پکيڙ کي نظر ۾ رکندي هر طرح جي جلوسن تي پابندي لڳائڻ جو فيصلو ڪري ورتو آهي.اين سي او سي ۾ يوم علي عه جي حوالي سان هڪ اهم اجلاس ٿيو جنهن جي صدارت وفاقي وزير منصوبه بندي اسد عمر ۽ قومي ڪوآرڊينيٽر ليفتيننٽ جنرل محمودالزمان خان ڪئي. جڏهن ته گهرو وزير شيخ رشيد، مذهبي معاملن واري وزير نورالحق قادري، ڊاڪٽر فيصل سلطان جڏهن ته صوبائي سيڪريٽري ۽ قانون لاڳو ڪندڙ ادارن جي نمائندن وڊيو لنڪ جي ذريعي شرڪت ڪئي.اين سي او سي موجب اجلاس ۾ سڄي ملڪ خاص طور تي وڏن شهري مرڪزن ۾ ڪروونا جي پکيڙ کي نظر ۾ رکندي جلسن ۽ جلوسن تي پابندي لڳائڻ جو فيصلو ڪيو ويو آهي. مجلسون منعقد ڪرڻ جي اجازت به سخت ڪورونا ايس او پيز جي تحت ٿينديون. فورم فيصلن تي عمل ڪرڻ لاءِ صوبائي ۽ ضلعي سطح تي مذهبي اسڪالرز ۽ ڪميونٽي اڳواڻن کي شامل ڪرڻ جي ضرورت تي زور ڏنو.
