ڪراچي (اسٽاف رپورٽر)ڏي وزير سيد مراد علي شاهه چيو آهي ته سنڌ ۾ برسات جي تباهيءَ تي بي حسي ڏيکارڻ تي وفاقي حڪومت آڏو احتجاج رڪارڊ ڪرايان ٿو. سي ايم هائوس ۾ پريس ڪانفرس ڪندي هن چيو ته وڏي وزير جي حيثيت سان وزيراعظم کي امداد لاءِ 2 ڀيرا خط لکيو، اڃا تائين ڪو به جواب نه آيو آهي، گڏ بيهڻ ته پري جي ڳالهه، وزيراعظم ڪنهن سان ڳالهائڻ جي به زحمت نه ڪئي آهي ۽ نه ئي متاثره علائقن جو دوروڪيو. هن چيو ته هلندڙ سال مثالي بارشون ٿيون ۽ 27 آگسٽ واري بارش رهي سهي ڪثر به ڪڍي ڇڏي. هن چيو ته برساتن دوران ميرپور خاص، سجاول، ٺٽو، سانگهڙ، ميرپور خاص ۽ جوهيءَ جي علائقن ۾ تباهي آئي، ميڊيا ڪراچي تي ته فوڪس ڪيو پر سنڌ جي ٻين علائقن ۾ جيڪا تباهي آئي آهي ان جي ميڊيا ڪوريج ناهي ڪئي ۽ لڳي ٿو ته ميڊيا ۾ به وفاقي حڪومت جو روح اچي ويو آهي. هن چيو ته متاثر علائقن ۾ تباهه ٿيل انفرا اسٽرڪچر تي ڪم ٿي رهيو آهي، رستن جي به مرمت ڪئي پئي وڃي، ڪراچيءَ ۾ پريس ڪانفرنس دوران وڏي وزير چيو ته وفاقي حڪومت پنهنجون ذميواريون پوريون نه ٿي ڪري سگهي ته سائيڊ تي ٿئي، وفاقي وزير چوندا هئا ته سنڌ جي عوام کي هڪ رُپيو به نه ڏينداسين، اُنهن جي دشمني ظاهر ٿي وئي آهي، اسان کان حساب ڪتاب وٺڻ جون ڳالهيون ڪندڙ پاڻ سنڌ جي عوام لاءِ ڪم ڪري ڏيکارين. وڏي وزي ٻڌايو ته مون مختلف ملڪن جي سفيرن کي بريفنگ ڏني ويڊيو ڪلپ ڏيکاريا ۽ هنن چيو ته وفاقي حڪومت چوي ته پوءِ مدد لاءِ تيار آهيون، مون وزيراعظم کي خط لکي آگاهه ڪيو پر هن جواب ئي نه ڏنو. هن ٻڌايو ته ميرپور خاص جي 15 لک 75 هزار آبادي مان 6 لک 14 هزار ماڻهو متاثر ٿيا، 2 لک ايڪڙن تي پاڻي هو جيڪو هاڻي به 33 هزار ايڪڙن تي بيٺل آهي، هڪ لک کان مٿي ماڻهو دربدر آهن، 29 هزار کان مٿي گهر متاثر ٿيا ۽ ساڍا 49 هزار ايڪڙن تي بيٺل فصل تباهه ٿيا آهن.
ڪينيا جو آرمي چيف ڏهه آفيسر سميت اجل جو شڪار
جاپاني شهرين جي گاڏي لڳ ڌماڪو 2 فوت ۽ 2 زخمي
ٽي ايل پي بابت رپورٽ صوبائي حڪومت سان شيئر نه ڪئي وئي
پشاور ۽ بلوچستان جي چيف جسٽسز جي نالن جي منظوري
دهشتگردن سان ڳالهيون نه ٿينديون، تارڙ جو پاليسي بيان
پاڪستان کي آءِ ايم ايف کان مختصر مدي وارو پروگرام وٺڻ جي صلاح
بلوچستان جي 14 رڪني ڪابينا حلف کڻي ورتو
سينيٽ چونڊن کان اڳ عورتن ۽ اقليتي ميمبرن کان حلف وٺڻ جو حڪم
حدبندي جو تڪرار ، پينو فقير عدالت پهچي ويا
ٽڪ ٽاڪ پاران نئين ايپ متعارف
ايران تي اسرائيلي جارحيت، صورتحال جو جائزو وٺون پيا، پرڏيهي آفيس
جمشيد دستي ۽ اقبال احمد خان تي اجلاس ۾ شرڪت تي پابندي
مبينا جاسوسي جي جوابدار جي ضمانت واري درخواست رد
دهشتگردي جي مڪمل خاتمي تائين سڪون سان نه ويهنداسين
دنيا جي سڀ کان وڏي چونڊ، ڀارت ۾ ووٽنگ شروع
انٽر بئنڪ ۾ ڊالر 278 رپيا 50 پئسا ٿي ويو
ٽرانسپورٽ جو ڀڳل ٽٽل نظام
ڌاڙيلن خلاف جديد ٽيڪنالاجي سان گڏيل آپريشن جو فيصلو
اسرائيل جو ايران تي جوابي ميزائيل حملو
اسرائيلي حملي جو مناسب جواب ڏنو ويندو، ايران