ڪراچي (اسٽاف رپورٽر)سنڌ هاءِ ڪورٽ نسلا ٽاور جي الاٽيز جي درخواست رد ڪري ڇڏي آهي ته اضافي تڪراري زمين کي زمين جي نيلامي ۾ جرماني سان گڏ شامل ڪيو وڃي.سنڌ هاءِ ڪورٽ جي ٻه رڪني بينچ نسلا ٽاور جي زمين جي نيلامي ۾ اضافي تڪراري زمين کي شامل ڪرڻ جي درخواست تي ٻڌڻي ڪئي.عدالت درخواست رد ڪري ڇڏي ۽ درخواست ڏيندڙ کي 20 هزار رپيا جرمانو ادا ڪرڻ جو حڪم ڏنو.ٻڌڻي دوران درخواست ڏيندڙ جي وڪيل پنهنجي موقف ۾ چيو ته سرڪاري اسائني نسلا ٽاور جي نيلامي لاءِ اشتهار جاري ڪيو، بلڊر نسلا ٽاور ۾ 357 چورس گز اضافي زمين حاصل ڪئي هئي، نسلا ٽاور جي اضافي زمين نيلامي ۾ شامل نه ڪئي وئي، نسلا ٽاور جي الاٽيز کي زمين جي نيلامي ذريعي ادائيگي ڪئي ويندي، نيلامي ۾ اضافي زمين شامل ڪرڻ سان الاٽيز کي دعويٰ موجب ادائيگي ڪرڻ ممڪن آهي.ان دوران، سرڪاري اسائني عدالت کي ٻڌايو ته نسلا ٽاور جي مارڪيٽ ويليو جو اندازو 1.14 ارب رپيا لڳايو ويو آهي. نسلا ٽاور جي زمين جي نيلامي جو عمل 811.2 ملين رپين کان شروع ٿيندو. نسلا ٽاور جي نيلامي 4 سيپٽمبر تي ٿيندي. هن موقعي تي اعتراض ڪندڙ جو مقصد نيلامي کي روڪڻ آهي.عدالت پنهنجي ريمارڪس ۾ چيو ته سپريم ڪورٽ اضافي زمين تي قبضي جي بنياد تي نسلا ٽاور کي ڊاهڻ جو حڪم ڏنو هو. سپريم ڪورٽ 780 چورس گز زمين جي نيلامي ۽ ان کي الاٽيز ۾ ورهائڻ جو حڪم ڏنو هو. زمين جي نيلامي سپريم ڪورٽ جي حڪم جي مطابق ڪئي پئي وڃي.عدالت وڌيڪ چيو ته نيلامي ۾ اضافي زمين شامل ڪرڻ سپريم ڪورٽ جي حڪمن ۾ ترميم جي برابر هوندو
