واشنگٽن (ويب ڊيسڪ)آمريڪا ڪولمبيا جي صدر گستاو ڊي پيٽرو تي منشيات جي اسمگلنگ ۽ غير قانوني سرگرمين ۾ ملوث هجڻ جي الزام ۾ پابنديون لاڳو ڪري ڇڏيون آهن.پرڏيهي ميڊيا جي رپورٽن موجب، صدر پيٽرو تي لاڳو ڪيل پابندين جي نتيجي ۾ آمريڪا ۾ سندس اثاثا منجمد ڪيا ويا آهن، جڏهن ته آمريڪي شهري هن سان ڪنهن به مالي معاملي تي پابندي لڳائي وئي آهي.آمريڪي عملدارن چيو آهي ته هي قدم واشنگٽن جي علائقي ۾ منشيات جي اسمگلنگ ۽ ڪرپشن سان وڙهڻ جي عزم جو حصو آهي.ٻئي طرف، ڪولمبيا جي حڪومت آمريڪي فيصلي تي سخت رد عمل ظاهر ڪندي ان کي سياسي نوعيت جو قرار ڏنو آهي.صدر پيٽرو جي آفيس پاران جاري ڪيل هڪ بيان ۾ چيو ويو آهي ته اهي پابنديون ڪولمبيا جي اندروني معاملن ۾ مداخلت جي برابر آهن.بين الاقوامي ميڊيا تجزيه نگارن جي حوالي سان چيو آهي ته هي قدم ٻنهي ملڪن جي وچ ۾ لاڳاپن کي وڌيڪ خراب ڪري سگهي ٿو.ياد رکڻ گهرجي ته آمريڪي صدر ڊونلڊ ٽرمپ ڪولمبيا تي سڀني فنڊنگ کي ختم ڪرڻ ۽ ٽيرف وڌائڻ جي ڌمڪي ڏني هئي.
