اسلام آباد (بيورو رپورٽ) اطلاعات واري وفاقي وزير فواد چوڌري چيو آهي ته پاڪستان ۽ آسٽريليا وچ ۾ ٽيسٽ سيريز 23 سالن کانپوءِ ٿي رهي آهي پر مخالف ڌر جي پيٽ ۾ مروڙ پئجي رهيا آهن. ٽوئٽر تي جاري ڪيل بيان ۾ فواد چوڌري چيو ته پاڪستان ۽ آسٽريليا وچ ۾ 23 سالن کانپوءِ ٽيسٽ سيريز ٿيڻ واري آهي، پوري قوم ڪرڪيٽ جي بحالي جو جشن ملهائي رهي آهي، پر جيڪڏهن ڪنهن جي پيٽ ۾ مروڙ پون پيا ته اهي اپوزيشن ورا آهن. هن وڌيڪ لکيو ته اپوزيشن ان وقت پنڊي ۾ پنهنجي ڀاڙي جو شو ڪرڻ ڪرڻ چاهي ٿي جڏهن پاڪستان ۽ آسٽريليا وچ ۾ پهرين ٽيسٽ شروع ٿي رهي آهي. ياد رهي ته 23 سالن کانپوءِ پاڪستان ۽ آسٽريليا وچ ۾ پهرين ٽيسٽ ميچ 4 مارچ کان راولپنڊي ۾ شروع ٿي رهي آهي، ڪيترائي ڀيرا حڪومت اپوزيشن کي دعوت ڏني ته تاريخ بدلايو پر اپوزيشن پنهنجي ضد تي قائم آهي.
