اسلام آباد(رپورٽ اياز مهر) سپريم ڪورٽ پاڪستان تحريڪ انصاف جي چيئرمين عمران خان جي گرفتاري کي غير قانوني قرار ڏيندي کيس فوري طور آزاد ڪرڻ جو حڪم ڏئي ڇڏيو.سپريم ڪورٽ عمران خان کي ٻيهر اسلام آباد هاءِ ڪورٽ وڃڻ جو حڪم ڏئي ڇڏيو آهي.سپريم ڪورٽ جي حڪم تي عمران خان کي عدالت ۾ آندو ويو، عمران خان کي 15 گاڏين تي مشتمل سيڪيورٽي قافلي ۾ سپريم ڪورٽ آندو ويو، عمران خان کي عدالتي ڪمري ۾ آڻڻ بعد عدالتي ڪمري کي بند ڪيو ويو.سپريم ڪورٽ ۾ پيشي جي موقعي تي عمران خان پاڻ ئي ڪورٽ روم ۾ پهتو.سپريم ڪورٽ ۾ پيشي جي موقعي تي عدالت ٻاهران سڪيورٽي جا سخت انتظام ڪيا ويا هئا ۽ پوليس پاران عدالت ٻاهران اڻڄاتل گاڏين کي به هٽايو ويو هو.چيف جسٽس چيو ته جڏهن ڪو ماڻهو قانون جي عدالت ۾ اچي ٿو ته هو عدالت آڏو پيش ٿي وڃي ٿو، اسان سمجهون ٿا ته عمران خان جي گرفتاري غيرقانوني آهي، اسلام آباد هاءِ ڪورٽ سڀاڻي ڪيس جي ٻڌڻي ڪري، اوهان کي مڃڻو پوندو.سپريم ڪورٽ عمران خان جي گرفتاري کي غير قانوني قرار ڏيندي کيس فوري آزاد ڪرڻ جو حڪم ڏئي ڇڏيو ۽ عمران خان کي ٻيهر اسلام آباد هاءِ ڪورٽ سان رجوع ڪرڻ جو به حڪم ڏنو.چيف جسٽس چيو ته جڏهن ڪو ماڻهو قانون جي عدالت ۾ اچي ٿو ته ان جو مطلب آهي ته هو عدالت آڏو سرينڊر ڪري ٿو. اسان سمجهون ٿا ته عمران خان جي گرفتاري غير قانوني آهي، توهان 8 مئي تي عدالت ۾ بائيو ميٽرڪ روم ۾ موجود هئا.اسلام آباد هاءِ ڪورٽ ڪيس جي ٻڌڻي سڀاڻي ڪندي، عمران خان سڀاڻي هاءِ ڪورٽ ۾ پيش ٿيندو. توهان کي مڃڻو پوندو ته هاءِ ڪورٽ جو فيصلو آهي، عمران خان جي گرفتاري غير قانوني هئي.چيف جسٽس چيو ته امن امان کي يقيني بڻائڻ هر سياستدان جي ذميواري آهي.عمران خان جي گرفتاري خلاف درخواست تي ٻڌڻي ڪجهه دير ۾ مڪمل ٿي وئي. ان موقعي تي عمران خان چيو ته مون کي هاءِ ڪورٽ مان ڪڍيو ويو، لٺين سان ماريو ويو، اهو ڪم ڪنهن مجرم سان به ناهي ٿيو، ان کانپوءِ ڪجهه به ناهي ٿيو، مون کي اڃا خبر ناهي ته ڇا ٿيو. چيف جسٽس چيو ته عمران خان هن وقت سپريم ڪورٽ جي حراست ۾ آهي، عمران خان پوليس لائينز گيسٽ هائوس ۾ رهندو، جيڪڏهن ٿي سگهي ته ٻڌڻي 11 وڳي اسلام آباد هاءِ ڪورٽ ۾ مقرر ڪئي وڃي، اسان کي پرواهه ناهي. توهان جي سڪيورٽي بابت 10 ماڻهن کي عمران خان سان ملڻ جي اجازت ڏني ويندي، عمران خان سان ملاقات ڪندڙن ۾ سندس گهروارا، وڪيل ۽ دوست به شامل هوندا.عدالت عمران خان کي سندس ويجهن مائٽن جي لسٽ فراهم ڪرڻ جو به حڪم ڏنو آهي.چيف جسٽس چيو ته سپريم ڪورٽ ٻه قاعدا مقرر ڪيا آهن، ضابطو آهي ته مستقبل ۾ ڪنهن به شهري کي عدالت جي احاطي مان گرفتار نه ڪيو ويندو، پوليس کانسواءِ ڪو به ماڻهو عدالت جي احاطي ۾ بغير اجازت گرفتاري لاءِ نه ايندو. ان موقعي تي عمران خان عدالت کي درخواست ڪئي ته مون کي بني گالا وڃڻ ڏنو وڃي.چيف جسٽس چيو ته عمران خان جي سڪيورٽي يقيني بڻائڻ آءِ جي ۽ اٽارني جنرل جي ذميواري آهي، عمران خان سڀاڻي تائين سپريم ڪورٽ جي رمانڊ ۾ آهي.عمران خان چيو ته اوهان جي حراست سبب نعمتون آيون آهن.عمران خان بني گالا کي سب جيل قرار ڏيڻ جي درخواست ڪئي، جنهن کي عدالت رد ڪري ڇڏيو.چيف جسٽس چيو ته هو جنهن گيسٽ هائوس ۾ رهي ٿو ان ۾ ٽي ڪمرا آهن. گپ شپ ٿيندي، ننڊ ٿيندي ۽ سڀاڻي هاءِ ڪورٽ ۾ پيش ٿيندي، توهان آرام سان گيسٽ هائوس ۾ رهندا.
