اسلام آباد (بيورو)پاڪستان تحريڪ انصاف جي اڳواڻ فواد چوڌري عدليه تي تنقيد ڪرڻ تي مسلم ليگ ن جي قيادت تي سخت تنقيد ڪئي آهي.سوشل ميڊيا تي جاري ڪيل بيان ۾ پي ٽي آءِ اڳواڻ فواد چوڌري چيو آهي ته ن ليگ جي 100 پياز ۽ 100 ڇتر واري محاوري جي سچائي جو مثال ملڻ مشڪل آهي، هڪ ته اسٽيبلشمينٽ نواز سياست ڪندو ۽ ٻيو اسٽيبلشمينٽ مخالف ؟ هن وڌيڪ چيو ته جيڪڏهن هڪ جو پلان ناڪام ٿئي ته ٻئي کي اڳتي وڌايو، اهو فارمولو ايندڙ نسلن ڏانهن منتقل ڪيو پيو وڃي، اسٽيبلشمينٽ کي وڪرو ڪيو وڃي.فواد چوڌري چيو ته عدليه خلاف بيان بازي شروع ٿي وئي آهي، ايندڙ ڪجهه ڏينهن ۾ فوج خلاف ڪارروائي شروع ٿي ويندي، ان اسڪيم ۾ خامي اها آهي ته 1990 وارو عوام ناهي رهيو ۽ مقابلو به عمران خان سان آهي.سندس چوڻ آهي ته ن ليگ جي حڪمت عملي سياست مان مڪمل طور تي آئوٽ ٿي ويندي، پر ادارن کي نقصان ٿيندو، جيڪڏهن اهي پنهنجي حدن ۾ رهن ها ته ڪجهه به نه هو، پر هاڻي ن ليگ کي ادارن کي نشانو بڻائڻو آهي.
