پشاور(ويب ڊيسڪ) پي ٽي آءِ جي عورت اڳواڻ صنم جاويد جي اغوا جو ڪيس داخل ڪيو ويو آهي.ڪيس پشاور ايسٽ پوليس اسٽيشن ۾ صنم جاويد جي دوست هڪ عورت وڪيل جي شڪايت تي درج ڪيو ويو آهي، ڪيس جي متن موجب، صنم جاويد کي پشاور ۾ هڪ مصروف هاءِ وي تي روڪيو ويو ۽ 5 ماڻهو زبردستي کيس ڪار ۾ کڻي ويا، متن ۾ چيو ويو آهي ته هي سنگين واقعو قانون جي حڪمراني تي سواليه نشان لڳائي ٿو، تنهن ڪري واقعي جي فوري طور تي جاچ ڪئي وڃي ۽ ملوث ماڻهن کي گرفتار ڪيو وڃي.
