دبئي(ويب ڊيسڪ)بالي ووڊ ڪنگ شاهه رخ خان فلم ”ڊنڪي“ جي شوٽنگ لاءِ چونڊيل سعودي عرب جي خوبصورت هنڌن کي ڏسي حيران ٿي ويو.شاهه رخ خان سعودي عرب مان پنهنجي هڪ وڊيو فوٽو ۽ وڊيو شيئرنگ ايپ انسٽاگرام تي شيئر ڪئي آهي.هن وڊيو ۾ اداڪار کي سعودي عرب ۾ فلم ”ڊنڪي“ جي ڪامياب شوٽنگ مڪمل ٿيڻ تي خوشي جو اظهار ڪندي ڏسي سگهجي ٿو.هن چيو ته سعودي عرب ۾ فلم ”ڊنڪي“ جي شوٽنگ جو شيڊيول مڪمل ڪرڻ کان وڌيڪ اطمينان جوڳي ڳالهه ناهي.هن سعودي عرب ۾ شوٽنگ مڪمل ڪرڻ تي فلم جي پروڊيوسر ۽ ڊائريڪٽر ۽ ٻين ڪاسٽ ميمبرن جو به شڪريو ادا ڪيو.شاهه رخ خان فلم جي شوٽنگ لاءِ سعودي عرب جي شاندار هنڌن تائين پهچ ڏيڻ ۽ شاندار مهمان نوازي ڪرڻ تي سعودي ثقافت واري وزارت جو خاص شڪريو ادا ڪيو ۽ چيو ته ”شڪران، برڪ الله فيڪ“.
