ڪراچي(اسٽاف رپورٽر) چيف ميٽولوجسٽ سردار سرفراز 23 کان 26 جولاءِ تائين مون سون جي اسپيل جي اڳڪٿي ڪئي آهي.چيف ميٽولوجسٽ سردار سرفراز جو چوڻ آهي ته اڄ رات کان سنڌ ۾ زوردار مون سون جو اثر ٿيندو، جنهن تحت 23 جولاءِ کان 26 جولاءِ تائين سنڌ ۾ تيز برسات پوڻ جو امڪان آهي، جڏهن ته 27 جولاءِ تائين مٿانهين سنڌ ۾ برسات جو امڪان آهي.چيف ميٽولوجسٽ موجب ڪراچي ۾ 24 کان 26 جولاءِ تائين تيز برسات پوڻ جو امڪان آهي، جنهن دوران شهر ۾ 100 ملي ميٽر يا ان کان وڌيڪ برسات پئجي سگهي ٿي.سردار سرفراز چيو ته مون سون سسٽم جي شدت وڌيڪ آهي ۽ سڀ کان وڌيڪ سسٽم زمين تي آهي، زمين تي مون سون سسٽم جي شدت وڌيڪ آهي.هن چيو ته خليج بنگال ۽ عربي سمنڊ مان ايندڙ نم هوائون سسٽم کي سپورٽ ڪنديون، جنهن کانپوءِ اهو سسٽم بلوچستان، عمان ۽ ايران کي متاثر ڪندو.
