ڏهرڪي (جھانگيرعالم دايو )سول ڪورٽ ۾ پروسيس سيل انچارج ۽ اي ايس آءِ خالد حسين آرائين زخمن جا سور نه سهندي رحيم يار خان جي اسپتال ۾ فوت ٿي ويو آهي جنهن بعد فوتي اي ايس آءِ جو مڙهه اباڻي ڳوٺ رسول پور آرائين پهچڻ تي سندن گهر ۾ ڪهرام مچي ويو جنهن جي جنازي نماز ۾ پوليس عملدارن سميت شهرين ۽ ڳوٺاڻن وڏي انگ ۾ شرڪت ڪئي واضع رهي فوتي اي ايس آءِ خالد حسين آرائين 2 ڏينهن اڳ سول ڪورٽ ٻاهران موٽر سائيڪل جي ٽڪر ۾ زخمي ٿيو هو جنهن کي زخمي حالت ۾ رحيم يار خان اسپتال داخل ڪيو ويو هو جتي هو زخمن جا سور نه سهندي فوت ٿي ويو.
