اسلام آباد(بيورو رپورٽ)پاڪستان تحريڪ انصاف (پي ٽي آءِ) بيٽ جي چونڊ نشان واپس وٺڻ واري فيصلي خلاف سپريم ڪورٽ ۾ نظرثاني درخواست داخل ڪري ڇڏي آهي. پي ٽي آءِ طرفان درخواست ۾ سپريم ڪورٽ کي 13 جنوري جي انٽرا پارٽي چونڊن جي فيصلي تي نظرثاني جي درخواست ڪئي وئي آهي. درخواست ۾ چيو ويو آهي ته سپريم ڪورٽ فيصلي تي نظرثاني ڪري ۽ پشاور هاءِ ڪورٽ جو فيصلو بحال ڪري، انٽرا پارٽي چونڊون پارٽي آئين موجب ڪرايون ويون.پي ٽي آءِ درخواست ۾ چيو آهي ته اليڪشن ڪميشن کي انٽرا پارٽي چونڊن جو جائزو وٺڻ جو اختيار ناهي.
