دڙو (ن س) ٻنون ۾ جمعيت علماء اسلام طرفان برسات ۽ ٻوڏ متاثرن جي مالي سھائتا لاء مستحقن ۾ نقد رقم تقسيم، جي يو آئي ضلعي سجاول جي ضلعي ڪائونسلر نثار احمد سومرو جي اڳواڻي ۾ ڪراچي کان آيل جمعيت جي صاحب حيثيت رکندڙ مولانا محمد طعيب، محمد ادريس، رئيس احمد، مولانا طفيل احمد کٽي، حاجي محمد ھارون ۽ ٻين جي اڳواڻي ۾ ٻنون جي ڳوٺ حاجي سومرو جي مدرسي ۾ 75 مستحق ماڻھن ۾ نقد رقم تقسيم ڪئي وئي، جڏھن تہ ٻنون ۽ ڀرپاسي جي مختلف مستحق ماڻھن کي رقم جا لفافا ڏنا ويا، ان موقعي تي جي يو آئي جي اڳواڻن مولانا محمد طعيب، نثار احمد سومرو، مولانا طفيل احمد کٽي ۽ ٻين پريس ڪلب دِڙو جي ٽيم سان ڳالھائيندي چيو تہ جي يو آئي پنھنجي غريب ۽ برسات توڙي ٻوڏ ستايل ماڻھن کي ڪڏھن بہ اڪيلو نہ ڇڏيو آھي، پنھنجي وس آھر انھن جي مالي سھائتا ڪري رھيا آھيون، انشاﷲ مستحق ماڻھن جي خدمت جاري رھندي،
