ڪراچي (اسٽاف رپورٽر)ايڪسپو سينٽر ڪراچي ۾ خميس ڏينهن پي ايڇ سي جاب فيئر اينڊ ايجوڪيشن ايڪسپو 2023 منعقد ٿيو، جنهن ۾ سوين شاگردن ۽ نوڪريءَ جي خواهشمندن شرڪت ڪئي.پاڪستان هندو ڪائونسل پاران هائير ايجوڪيشن ڪميشن آف پاڪستان جي سهڪار سان پي ايڇ سي جاب فيئر اينڊ ايجوڪيشن ايڪسپو منعقد ڪيو ويو. ايڪسپو سينٽر ڪراچي ۾ خميس ڏينهن پي ايڇ سي جاب فيئر اينڊ ايجوڪيشن ايڪسپو 2023 منعقد ٿيو، جنهن ۾ سوين شاگردن ۽ نوڪريءَ جي خواهشمندن شرڪت ڪئي.اسٽيٽ بئنڪ آف پاڪستان، مختلف بئنڪن، يونيورسٽين، سرڪاري کاتن ۽ تنظيمن ۽ ڪيترين ئي ملٽي نيشنل ڪمپنين پاران ميلي ۾ پنهنجا اسٽال لڳايا ويا ته جيئن روزگار جي موقعن بابت ڄاڻ ڏني وڃي . پي ايڇ سي جي سرپرست اعليٰ ايم اين اي رميش ڪمار وانڪواڻي، ايگزيڪيوٽو ڊائريڪٽر ايڇ اي سي ڊاڪٽر شائستهہ سهيل ۽ ڊائريڪٽر ايڇ اي سي جاويد ميمڻ جاب فيئر ۽ ايجوڪيشن ايڪسپو جو افتتاح ڪيو.ان موقعي تي ڳالهائيندي ڊاڪٽر رميش ڪمار وانڪواڻي، ايڇ اي سي، اسٽيٽ بئنڪ ۽ ٻين حڪومتي ۽ ڪارپوريٽ ادارن جو شڪريو ادا ڪيو ته انهن ميلي ۾ شرڪت ڪئي ۽ ان کي ڪامياب بڻايو. هن چيو ۽ اميد ظاهر ڪئي ته جاب فيئر شاگردن کي مشهور ۽ قائم ڪيل ڪارپوريٽ شعبي جي ادارن ۾ نوڪري ۽ انٽرن شپ جا موقعا حاصل ڪرڻ ۾ مدد ڏيندو. ڊاڪٽر رميش ڪمار وانڪواڻي ٻڌايو ته پي ايڇ سي تازو گريجوئيٽ شاگردن لاءِ مختلف يونيورسٽين جي سهڪار سان انٽرنشپ پروگرام شروع ڪرڻ لاءِ ڪم ڪري رهي آهي ته جيئن شاگردن کي پروفيشنل ٽريننگ ۽ ڪم ڪرڻ جو تجربو حاصل ڪري سگهجي.
