اسلام آباد(بيورو)انڊس واٽر ڪمشنر سيد مهر علي شاهه پاڻي ڇڏڻ واري صورتحال بابت ڀارتي هم منصب کي خط لکي ڇڏيو.سيد مهر علي شاهه طرفان لکيل خط ۾ مطالبو ڪيو ويو آهي ته ڀارت کي دريائن ۾ ايندڙ پاڻي جي صورتحال کان آگاهه ڪيو وڃي، راوي درياهه ۾ 2 لک ڪيوسڪ پاڻي ڇڏڻ جا اطلاع آهن.خط جي متن ۾ چيو ويو آهي ته اسان کي تعميرات، انساني جانين ۽ چوپاين جي حفاظت لاءِ اڳواٽ انتظام ڪرڻا پوندا، ٻڌايو وڃي ته راوي درياهه ۾ پاڪستان ۾ ڪيترو پاڻي پهچندو.
