ڏکڻ افريقا ڀارت کان به هارائي ويو، لڳاتار ٽئين شڪست

همپشائر(م ڊ) ڏکڻ افريقا جي بدقسمتي ورلڊ ڪرڪٽ ڪپ جي ميچ ۾ ڀارت کان به هارائي ويو، جيڪا سندن ٽئين لڳاتار شڪست آهي. اڳ ۾ انگليند ۽ بنگلاديش کان هارائي چڪو آهي. ڏکڻ افريقا ٽاس کٽي بيٽنگ جو فيصلو ڪيو ۽ 50 اوورز ۾ 9 وڪيٽن تي 227 رنسون ٺاهيون. مورس 42، فيلڪوايو 34، ملر 31، ڪپتان ڊوپليسس 38 تي آئوٽ ٿي ويا ۽ ربادا 31 رنز تي ناٽ آئوٽ رهيو. ٻئي اوپنر املا ۽ ڊي ڪوڪ ترتيبوار 6 ۽ 10 رنسون ٺاهي جلدي آئوٽ ٿي ويا. ٻنهي کي بومرا آئوٽ ڪري پريشر ۾ آندو ڀونيشور ڪمار به ٻه وڪيٽ ورتيون جڏهن ته ليگ اسپنر چهل 4 وڪيٽون ورتيون جن مان ٻه وڪيٽون هڪ اوور ۾ حاصل ڪيون. ڏکڻ افريقا کي اي بي ڊويلئرجي سخت کوٽ محسوس ٿي. ڀارت جو به آغاز سٺو نه هو شيکر ڌون 8، ڪوهلي 18، راهول 26 ۽ ڌوني 34 رنز ٺاهي آئوٽ ٿي ويا پر روهت شرما 144 بالن تي 122 رنسون ٺاهي ناٽ آئوٽ رهيو ۽ مين آف دي ميچ رهيو. ڏکڻ افريقا روهت سميت اهم ڪيچ به ڊراپ ڪيا.