ڪراچي(اسٽاف رپورٽر)35هين نيشنل گيمز ۾پاڪستان آرمي 353 ميڊل کٽي ميدان ماري ورتو. سنڌ جي گادي واري شهر ۾8 ڏينهن کان جاري رهندڙ نيشنل گيمز ڇنڇر تي پڃاڻي تي پهتيون. تقريب ۾ فيلڊ مارشل عاصم منير مهمانِ خاص هئا.
پيپلز پارٽي جي چيئرمين بلاول ڀٽو، فيلڊ مارشل کي سنڌي ٽوپي ۽ اجرڪ به پارايو ۽ سندس آمد تي شڪريو ادا ڪيو.
6 ڊسمبر کان 13 ڊسمبر تائين جاري رهندڙ نيشنل گيمز جي اختتامي تقريب نيشنل بئنڪ اسٽيڊيم ۾ منعقد ڪئي وئي.
چيئرمين پاڪستان پيپلز پارٽي بلاول ڀٽو زرداري، سنڌ جي وزيراعليٰ مراد علي شاهه ۽ سنڌ جيِ راندين واري وزير سردار محمد بخش مهر پڻ موجود هئا.
آرمي مجموعي طور 353 ميڊلز حاصل ڪري قائداعظم ٽرافي کٽي، جڏهن ته واپڊا 232 مجموعي ميڊلز سان ٻئي ۽ نيوي 110 ميڊلز سان ٽئين پوزيشن تي رهي.
گيمز دوران بهترين ڪارڪردگي ڏيکاريندڙ رانديگرن کي انعام به ڏنا ويا، جڏهن ته آخر ۾ نيشنل گيمز جو جهنڊو پنجاب اولمپڪ ايسوسيئيشن جي عهدديدارن حوالي ڪيو ويو، جتي ايندڙ قومي گيمز منعقد ڪيون وينديون.
