دادو(ن سنڌيار) دادو جي ماڊل ڪرمنل ٽرائل ڪورٽ جي جج نديم بدر قاضي قتل جو ڏوھ ثابت ٿيڻ تي جوابدار عبدالغفور ڇاٻرو کي ڦاسي ۽ 2 لک ڏنڊ جو فيصلو ٻڌايو آھي جوابدار سال 2017 ۾ فريد آباد ٿاڻي جي حد ۾ ڳوٺ چارو ۾ الھڏنو ٻگھيو کي گوليون ھڻي قتل ڪيو هو. جڏھن تہ ساڳئي ئي ڪيس ۾ جوابدار کي غيرقانوني ھٿيار رکڻ جي ڏوھ ۾ پڻ 7 سال سزا ۽ 50 ھزار ڏنڊ جا حڪم ٻڌايا آھن ڪيس مختيار ٻگھيو جي فرياد تي داخل ٿيل ھو.ڪيس ۾ ڄاڻايو ويو هو ته جوابدار الهڏنو ٻگهيو کي گهرن جي ڀرسان ٽيپ رڪارڊر تيز آواز ۾ وڄائڻ تان گوليون هڻي قتل ڪيو هو.اهڙو ڪيس مقتول الهڏنو جي ڀاءَ مختيار ٻگهيو پاران فريدآباد ٿاڻي تي 2017 ۾ داخل ڪرايو هو.جيڪو دادو جي ماڊل ڪرمنل ٽرائل ڪورٽ ۾ هلندڙ هو.
