پنوعاقل(رپورٽ زبير انڍڙ) سکر ملتان موٽر وي تي تيز رفتار ڪار جو ٽرڪ سان ٽڪر ٿي پيو، حادثي جي نتيجي ۾ عورت سميت 4 ڄڻا فوت ۽ هڪ زخمي ٿي پيو. سکر پوليس موجب حادثو سکر ملتان موٽر وي ايم 5 تي دادلوءِ ويجهو پيش آيو، جتي ملتان ويندڙ ڪار تيز رفتاري سبب بي قابو ٿي ٽرڪ سان ٽڪرائجي وئي. پوليس موجب ڪار ۾ سوار عورت سميت 4 ڄڻا موقعي تي ئي فوت جڏهن ته هڪ عورت زخمي ٿي پئي. پوليس جو چوڻ آهي ته ڪار ۾ سوار ماڻهن جي سڃاڻپ نه ٿي سگهي آهي پر زخمين ۽ فوتين کي ايمبولينس ذريعي تعلقي اسپتال پنوعاقل منتقل ڪيو ويو آهي.فوتي ذات جا ڇڄڻ آهن جن جو تعلق رحيم يار خان سان آهي. فوتين ۾ محمد طاهر، سندس امڙ حنيفه، محمد ياسين ۽ ڊرائيور اختر آرائين شامل آهن. جڏهن ته 15 سالن جي سونيا جيڪا طاهر جي ڀيڻ آهي اها زخمي آهي. پنون عاقل تعلقه اسپتال قانوني ڪاروائي بعد لاش وارثن حوالي ڪيا. جيڪي ظاهر پير کڻائي ويا.
