ڊرگھ بالا (محمد اسماعيل لانگاهه) ڪاڇي جي مرڪزي شهر واهي پانڌي کان 4 ڪلوميٽرن جي مفاصلي تي ڳوٺ علي بخش لغاري ۾ 1993ع تي قائم ٿيل گورنمينٽ پرائمري اسڪول ڪيترن ئي ورهين کان بلڊنگ نه ملڻ سبب سخت سردي ۾ ڇپر هيٺيان ٻار تعليم پرائڻ لڳا آهن. سيميز ڪوڊ ملڻ باوجود انتظاميه اسڪول کولرائڻ ۾ ڪابه اڳڀرائي نه ڏيکاري. ڳوٺاڻن موجب هن اسڪول ۾ هڪ استاد هيو جيڪو گذريل ٻن سالن کان رٽائر ٿي چڪو آهي ان کان پوءِ هتي ڪوبه استاد مقرر ناهي ٿيو.
هن ڳوٺ ۾ لڳ ڀڳ 200 سئو کان مٿي ٻار تعليم جهڙي زيور کان محروم بڻيل آهن جيڪي هاڻي مال چارڻ، ٻني ٻاري جي ڪم ڪار ۾ مصروف ٿي ويا آهن. ڳوٺاڻن پاران صوبائي وزير تعليم، سيڪريٽري تعليم سنڌ کان مطالبو ڪيو ته اسڪول جي بلڊنگ ڏئي معصوم ٻارن جي تعليم بحال ڪرائي وڃي.
