ڪراچي(اسٽاف رپورٽر) سنڌ هاءِ ڪورٽ گهرو سيڪريٽري کي حڪم ڏنو آهي ته جن شهرين جي جبري گمشدگيون ثابت ٿي چڪيون آهن انهن کي هر صورت ۾ عدالت ۾ پيش ڪيو وڃي.سنڌ هاءِ ڪورٽ جي جسٽس نعمت الله ڦلپوٽو گم ٿيل ماڻهن جي بازيابي بابت درخواست تي ٻڌڻي ڪئي، جنهن ۾ سرڪاري وڪيل ۽ جاچ آفيسر عدالت ۾ پيش ٿيا.ٻڌڻي دوران سرڪاري وڪيل چيو ته جي آءِ ٽي جي اجلاس ۽ جاچ ۾ ٻن شهرين جي جبري گمشدگي ثابت ٿي چڪي آهي. ان تي عدالت سوال ڪيو ته شهري ايتري عرصي کان گم آهن، جاچ ۾ ڇا سامهون آيو آهي؟ جاچ آفيسر عدالت کي ٻڌايو ته حافظ فرحان قادري اڳ به گم هو ۽ 2020ع ۾ ٻيهر گم ٿيو، ان حوالي سان مدينه ڪالوني ٿاڻي ۾ 2 ڪيس داخل آهن، عدالت کيس مفرور قرار ڏئي چڪي آهي.جسٽس نعمت الله چيو ته ڪجهه به ٿئي گم ٿيل شهرين کي عدالت ۾ پيش ڪرڻو پوندو.عدالت گهرو سيڪريٽري کي حڪم ڏنو ته گم ٿيل شهرين کي عدالت ۾ پيش ڪيو وڃي ٻي صورت ۾ پاڻ پيش ٿئي.جن شهرين جي جبري گمشدگيون ثابت ٿي چڪيون آهن انهن کي هر صورت ۾ عدالت ۾ پيش ڪيو وڃي.
![](https://www.dailysindhyar.com/wp-content/uploads/2022/10/SHC.jpg)