بارش بعد ڦهليل چمڙي جي بيماري جي علاج لاءِ مفت ڪيمپ

ٺٽو (ڊ ر) دفاع امن ڪانونسل پاڪستان پاران مفت ميڊيڪل ڪيمپ بنيادي صحت مرڪز غلام الله ۾ لڳائي وئي جنھن ۾ آس پاس جي مريضن چيڪ اپ ڪرائي دوائون ورتون. ڪيمپ ۾ چمڙي ۽ ڏندن جي بيمارين جي ماھر ڊاڪٽرن جنھن ۾ ڏندن جي اسپيشلسٽ ڊاڪٽر شام ڪمار ـ چمڙي جي مرض جي ماھر ڊاڪٽر جمال جاکرو خاص طور تي شرڪت ڪئي جڏھن تـ فزيشن ڊاڪٽر منير جوکيو ۽ ليڊي فزيشن  ڊاڪٽر شاھين مرتضيٰ پڻ مريضن جو چيڪ اپ ڪيو.

Photo Sindhyar

تازيون برساتون پوڻ سبب ڳوٺن ۾ گندي پاڻي جي ڪري چمڙي جي  بيماري ۾ اضافو  ٿيڻ سبب چمڙي جي مريضن وڏي تعداد ۾ شرڪت ڪري پنھنجو علاج ڪرايو ڪيمپ ۾ لڳ ڀڳ 600 مريض جا چيڪ اپ ڪيا ويا ۽ مفت دوائون ڏنيون ويون ڪيمپ ۾  دفاع امن ڪائونسل  پاڪستان سنڌ جو صدر حنيف ميمڻ، جاويد لطيف ميمڻ ۽ محمد علي خٽڪ، ميڊم شهناز بلوچ ۽ نامياري سماجي اڳواڻ رياض شاھ جيلاني ـ واحد ميرجت سميت يونين ڪائونسل غلام الله جي اڳوڻي چيئرمن طفيل ميمڻ پڻ شرڪت ڪئي.

کیٹاگری میں : سنڌ

پهنجو تبصرو موڪليو