ايس ايس پي آفيس سامهون ملڪ برادري جو ڌرڻو

ميرپورماٿيلو(ظهيروسير) گڏاڻي برادري ۽ پوليس جي زيادتين خلاف ملڪ برادري جي مردن ۽ عورتن پاران ايس ايس پي آفيس اڳيان احتجاجي ڌرڻو هنيو ويو.ڪجهه ڏينهن اڳ ملڪ برادري ۽ گڏاڻي برادري جا ماڻهو زرعي پاڻي جي وارا بندي تان وڙهي پيا هئا. جهيڙي ۾ سڪندر گڏاڻي زخمي ٿيو هو، پوليس پاران ملڪ برادري جا 2 ماڻهو گرفتار ڪيا ويا هئا. ايس ايس پي آفيس آڏو ڌرڻي جي اڳواڻي ڪندڙ عبدالرزاق ملڪ ۽ ابراهيم ملڪ دانهيندي چيو ته پوليس زيادتيون پئي ڪري، گڏاڻي برادري جي ماڻھن اسان جي نوجوان  کي زخمي ڪيو آھي. هنن چيو ته گڏاڻي برادري جي نيڪ محمد ۽ محمد امين ڊاڪٽرن کان ڪوڙو سرٽيفڪيٽ وٺي ڊرامو ڪري سڪندر گڏاڻي کي زخمي ڪيو، ايس پي جاچ ڪري ۽ ڊاڪٽر خلاف ڪارروائي ڪري، گڏاڻي برادري ۽ پوليس جي زياديتن کان اسان کي بچايو ۽ انصاف فراهم ڪيو وڃي. ايس ايس پي گهوٽڪي جو چوڻ آهي ته ڪنهن سان به ناانصافي نه ٿيندي، ڊاڪٽر جي سرٽيفڪيٽ مطابق ڪيس داخل ٿيو آهي ميرٽ تي جاچ ڪنداسون.