واشنگٽن(ويب ڊيسڪ)اڳوڻي مريڪي صدر ڊونلڊ ٽرمپ تي حملو ۾ ملوث هئڻ وارين خبرن کي ايران”گمراه ڪندڙ“ قرار ڏيندي آمريڪي ميديا ۾ لڳايل الزامن کي رد ڪري ڇڏيو آهي. نيوز ايجنسي ”اي ايف پي“ موجب گڏيل قومن ۾ ايراني مشن جو چوڻ آهي ته آمريڪي ميڊيا جا الزام ”بي بنياد“ ۽ ”بدنامي تي ٻڌل“ آهن. ٻئي طرف ايران جي پرڏيهي آفيس جي ترجمان ناصر ڪناني چيو آهي ته ايران ڊونلڊ ٽرمپ جي تازي حملي ۾ ملوث هجڻ جي سختي سان ترديد ڪري ٿو. بهرحال، هن چيو ته ايران ڊونلڊ ٽرمپ کي قاسم سليماني جي قتل ۾ سڌي طرح ملوث هجڻ جي ڏوهه ۾ سزا ڏيارڻ لاءِ پرعزم آهي.
