ڪراچي (ويب ڊيسڪ)پاڪستاني ڊراما انڊسٽري جي مشهور اداڪارا انعم فياض اسلام جي خاطر شوبز انڊسٽري کي الوداع چئي ڇڏيو.ڪيترن ئي مشهور ڊرامن ۾ اداڪاري جا جوهر ڏيکاريندڙ انعم انسٽاگرام تي هڪ پوسٽ ذريعي شوبز انڊسٽري تان رٽائرمينٽ جو اعلان ڪيو.هن انسٽاگرام پوسٽ ۾ لکيو ته هي پيغام لکڻ تمام ڏکيو آهي، توهان سڀني منهنجي ميڊيا ڪيريئر ۾ منهنجو ساٿ ڏنو پر هاڻي مون شوبز انڊسٽري ڇڏي اسلام جي مطابق زندگي گذارڻ جو فيصلو ڪيو آهي.انعم مداحن کي اپيل ڪئي ته هو کيس پنهنجي دعائن ۾ ياد رکن.واضح رهي ته انعم ڪافي عرصي کان اداڪاري ڪندي نظر نه اچي رهي آهي، جڏهن ته انسٽاگرام تي پوسٽ ڪيل تصويرن ۾ هوءَ حجاب ۾ نظر اچي رهي آهي.انعم 2016ع ۾ اسد انور سان شادي ڪئي، کيس هڪ پٽ پڻ آهي.
