اسلام آباد(بيورو)اليڪشن ڪميشن پي ٽي آءِ پاران احتجاج جي اعلان کانپوءِ سڪيورٽي لاءِ گهرو وزارت کي خط لکڻ جو فيصلو ڪيو آهي. پي ٽي آءِ پاران سڄي ملڪ ۾ اليڪشن ڪميشن جي آفيسن ٻاهران احتجاج جي اعلان کانپوءِ اليڪشن ڪميشن صوبائي اليڪشن ڪميشن ۽ ضلعي آفيسن جي سڪيورٽي بابت اجلاس طلب ڪري ورتو.ذريعن موجب اليڪشن ڪميشن طرفان گهرو سيڪريٽري کي اليڪشن ڪميشن آفيسن جي سڪيورٽي يقيني بڻائڻ لاءِ خط لکيو ويندو. اليڪشن ڪميشن صوبائي ۽ ضلعي آفيسن جي سيڪيورٽي کي يقيني بڻائڻ لاءِ صوبائي حڪومتن کي خط لکندو.
