اسلام آباد(بيورو رپورٽ)پاڪستان 2 لک ٽن يوريا درآمد ڪرڻ جو فيصلو ڪيو آهي ته جيئن خريف جي فصلن جي طلب دوران ڪنهن به ممڪنه قلت جي اثر کي گھٽائي سگهجي، يوڪرين جي بحران سبب عالمي سپلاءِ ۾ متوقع رڪاوٽن سبب سپلاءِ متاثر ٿيڻ جو خدشو آهي. ڀاڻ ٺاهيندڙ ڪمپنين جو مطالبو آهي ته حڪومت يوريا جي اسمگلنگ تي ضابطو آڻڻ لاءِ موثر قدم کڻي. اهو فيصلو اڱاري ڏينهن صنعت ۽ پيداوار واري وفاقي وزير مخدوم خسرو بختيار جي صدارت هيٺ ٿيل ڀاڻ جي جائزي واري اجلاس ۾ ڪيو ويو. اجلاس ۾ فوڊ سيڪيورٽي اينڊ ريسرچ وارو وفاقي وزير سيد فخر امام وڊيو لنڪ ذريعي شريڪ ٿيو. اجلاس ۾ خريف جي سيزن ۾ ملڪي پيداوار ۽ يوريا جي طلب تي غور ڪيو ويو. مسٽر بختيار چيو ته حڪومت خريف جي موسم ۾ هارين کي يوريا جي بروقت فراهمي کي يقيني بڻائڻ لاءِ ڪوششون تيز ڪري ڇڏيون آهن. مئي ۽ جون ۾ يوريا جي کوٽ جي اثر کي گھٽائڻ لاءِ جڏهن ڪڻڪ جي پوک کان پوءِ خريف جي فصلن جي پوک شروع ٿيندي، اجلاس ۾ فيصلو ڪيو ويو ته صنعت ۽ پيداوار واري وزارت ايندڙ اجلاس ۾ 2 لک ٽن يوريا جي درآمد لاءِ سمري ڪابينا جي اقتصادي رابطا ڪميٽي (اي سي سي) کي اماڻيندي. اجلاس ۾ صنعتڪارن کي هدايت ڪئي وئي ته هو هلندڙ مهيني 2 لک ٽن يوريا جي انوينٽري برقرار رکن. ڀاڻ ڪمپنين جي نمائندن اجلاس کي ٻڌايو ته 2 لک ٽن جي انوينٽري کي برقرار رکڻ مشڪل آهي ڇو ته سموري پيداوار لاءِ ڊيلرز طرفان وڌيڪ ڊمانڊ آهي. هن وقت پاڪستان ۾ ڀاڻ جا پلانٽ پنهنجي وڌ ۾ وڌ گنجائش تي ڪم ڪري رهيا آهن ۽ هر مهيني 6 لک ٽن يوريا پيدا ڪري رهيا آهن.ڀاڻ ٺاهيندڙ ڪمپني جي نمائندي اجلا کي ٻڌايو ته ”ڊيلر سڀ بيگز کڻي رهيا آهن ۽ غير معمولي اسٽاڪ ڪري رهيا آهن.ڪميٽي کي صنعتڪارن پاران ٻڌايو ويو ته يوريا جي مارڪيٽ ۾ هيراڦيري ۽ اسمگلنگ کي روڪڻ لاءِ انتظامي قدم کڻڻا پوندا ڇو ته يوريا 1768 رپيا في 50 ڪل جو بيگ وڪرو ٿي رهي آهي جيڪا بين الاقوامي قيمتن کان 75 سيڪڙو سستي آهي. صنعت واري وزير سمورن صوبائي زراعت کاتي کي خريف جي فصلن لاءِ زرعي گهرجن موجب ضلعي وار سپلائي پلان تيار ڪرڻ جي پڻ هدايت ڪئي. جڏهن ته، مقامي پيداوار 6.5 ملين ٽن تائين هئي، ۽ سراسري سالياني يوريا جو استعمال تقريباً 6.1 ملين ٽن هو، اجلاس کي ٻڌايو ويو ته ڀاڻ جي سمگلنگ روڪڻ لاءِ اپاءُ وٺو ڇو ته ربيع جي فصل ۾ کوٽ جو وڏو سبب قيمتن جي وڏي فرق سبب ڀاڻ افغانستان ۽ ممڪن طور تي وچ ايشيا جي ڪجهه ٻين رياستن ڏانهن سمگل ٿيو. هن پنهنجي وزارت کي اها به هدايت ڪئي ته هو ايندڙ اي سي سي اجلاس ۾ ملڪ جي اترين علائقن ۾ يوريا پلانٽس کي اپريل کان جون تائين گئس جي فراهمي جي صورتحال جي سمري پيش ڪري.
