نيويارڪ (ويب ڊيسڪ)آمريڪي صدر ڊونلڊ ٽرمپ جو چوڻ آهي ته هن پاڪستان ۽ هندستان جي وچ ۾ جنگ بندي ڪرائي، پاڪ-ڀارت جنگ سميت 7 جنگيون روڪيون، انهن ملڪن جي اڳواڻن سان ڳالهه ٻولهه ڪري اهي سڀ ست جنگيون روڪيون، گڏيل قومن انهن جنگين کي روڪڻ ۾ شامل نه هئي.گڏيل قومن جي جنرل اسيمبلي جي 80 هين اجلاس کي خطاب ۾ هن چيو ته آمريڪا دنيا ۾ امن لاءِ پنهنجو ڪردار ادا ڪندو، ابراهيم معاهدي تي ڳالهيون جاري آهن.آمريڪي صدر چيو ته مون کي هتي دعوت ڏيڻ لاءِ توهان جو تمام گهڻو شڪريو، منهنجي حڪومت جي 8 مهينن دوران سٺيون تبديليون اچڻ شروع ٿي ويون آهن، پوئين انتظاميا اسان جي ملڪ کي بيشمار مسئلن سان منهن ڏنو.ڊونلڊ ٽرمپ چيو ته آمريڪا ۾ افراط زر گهٽجي ويو آهي، سيڙپڪاري وڌي رهي آهي، آمريڪي معيشت مضبوط آهي ۽ سرحدون محفوظ آهن، جيڪڏهن ڪو غير قانوني طور تي آمريڪا ۾ داخل ٿئي ٿو ته ان کي جيل وڃڻو پوندو.هن چيو ته هڪ سال اڳ آمريڪا سخت مشڪلاتن کي منهن ڏئي رهيو هو. اسان اقتدار ۾ آيا ۽ افراط زر کي ڪنٽرول ڪيو. آمريڪا پنهنجي سونهري دور مان گذري رهيو آهي. اسان کي معاشي تباهي ورثي ۾ ملي. آمريڪا هڪ ڀيرو ٻيهر عالمي سطح تي عزت ۽ وقار حاصل ڪري رهيو آهي.
