ميلبورن (ويب ڊيسڪ)پاڪستان جي اڳوڻي انٽرنيشنل ڪرڪيٽر عثمان قادر جو چوڻ آهي ته مون هاڻي آسٽريليا ۾ رهڻ جو فيصلو ڪيو آهي، مان هتي رهندس ۽ کيڏندس،ميلبورن ۾ ميڊيا سان ڳالهائيندي هن چيو ته منهنجو پهريون منصوبو سٺو پرفارم ڪرڻ، آهستي آهستي اڳتي وڌڻ ۽ ملڪي سطح تي کيڏڻ آهي، عثمان قادر چوي ٿو ته مان مستقبل بابت گهڻو نٿو سوچيان، پر حال ۾ سٺو ڪرڻ جي ڪوشش ڪريان ٿو، قومي ٽيم جي اڳوڻي رانديگر چيو ته جيڪڏهن مون کي شاداب خان، محمد نواز ۽ اسامه مير وانگر مسلسل موقعا ڏنا وڃن ها ته مان ڪجهه مختلف ڪري سگهان ها، پهرين ٻن سيريز ۾ سٺو ڪم ڪرڻ جي باوجود مون کي ٻاهر رکيو ويو، پسند ۽ ناپسند وڌيڪ هوندي آهي.
