وڏيري جي چرچ تي کنڀيل نوجوان جي وارثن جو مظاهرو

سيٺارجا (ن س) سيٺارجا ٿاڻي جي حد ڳوٺ پيرل گھانگھرو مان مبينه طور 8 ڏينھن اڳ کنڀي گم ڪيل نوجوان محمد پيارو کي سي آئي اي پوليس خيرپور 7 ڏينھن بعد 4 بوتلون شراب رکڻ جي الزام ھيٺ گرفتاري ڄاڻائي چالان ڪري ڇڏيو آھي ۔ اھڙي عمل خلاف نوجوان جي وارثن عورتن ۽ مردن مسمات ڄامل، رخسانه، شمل خاتون، ملوڪان، نائب حسين،اڪرم۽ ٻين جي اڳواڻي ۾ احتجاجي مظاھروڪيوويو. ھنن الزام مڙھيو ته پوليس بيگناهه بااثر يار محمد گهانگهرو جي چرچ تي اسان خلاف رڻ ٻاري ڇڏيو آھي ۽ ڪوڙا ڪيس ڪرائڻ سميت حملا ڪندا رھن ٿا ۽ اسان جي نوجوان کي پڻ انھي سازش تحت ڪوڙي ڪيس ۾ ڦاسايو ويو آھي جيڪو عمل سراسر ظلم آھي ھنن آءجي سنڌ کي اپيل ڪئي ته اھڙي عمل جي جاچ ڪرائي انصاف ڏياريو وڃي.