لنڊن(ويب ڊيسڪ)جيڪڏهن توهان WhatsApp استعمال ڪريو ٿا ۽ Android فون کي آئي فون سان تبديل ڪرڻ چاهيو ٿا ته پوءِ ميٽا جي ملڪيت واري ميسينجر جو قيمتي ڊيٽا ان خواهش ۾ وڏي رڪاوٽ آهي. اهو شايد ڪا وڏي ڳالهه نه لڳي، پر دنيا جي لکين WhatsApp استعمال ڪندڙن لاءِ، اينڊرائيڊ کان آئي فون ڏانهن منتقل ٿيڻ جو مطلب پڻ سالن جي پيغامن ۽ تصويرن کي رد ڪرڻ آهي. پر ھاڻي ايپل ۽ واٽس اپ گڏجي ھي مسئلو حل ڪري ڇڏيو آھي (جيتوڻيڪ اڃا ھڪ ڊگھو رستو باقي آھي). ايپل جي اينڊرائڊ ايپ Move to iOS اڳ ۾ ئي ماڻهن کي اجازت ڏئي رهي آهي ته اهي رابطا، ڪئلينڊر، ايس ايم ايس پيغام ۽ تصويرون هڪ اينڊرائيڊ فون کان آئي فون تي منتقل ڪري سگهن.هاڻي هن ايپ سان، WhatsApp ڊيٽا کي Android کان iOS ڊوائيس تي منتقل ڪرڻ جي سهولت پڻ شامل ڪئي وئي آهي.ميٽا جي سي اي او مارڪ زڪربرگ چيو ته “اسان WhatsApp چيٽ جي تاريخ، فوٽوز، وڊيوز ۽ وائس پيغامن کي محفوظ طريقي سان Android ۽ iPhone تي منتقل ڪرڻ جي صلاحيت شامل ڪري رهيا آهيون.”هن چيو ته صارفين طرفان ان جي گهڻي طلب هئي، گذريل سال آئي فون کان اينڊرائڊ ۾ ڊيٽا منتقل ڪرڻ جو فيچر متعارف ڪرايو ويو هو ۽ هاڻي اينڊرائيڊ کان آئي فون تي ڪيو پيو وڃي.هي سپورٽ في الحال Android ڊوائيسز لاءِ WhatsApp جي بيٽا ورزن ۾ موجود آهي، مطلب ته سڀني صارفين کي هن فيچر کي استعمال ڪرڻ لاءِ ڪجهه دير انتظار ڪرڻو پوندو.
