لاهور(ويب ڊيسڪ)پاڪستان ڪرڪيٽ ٽيم جي هالينڊ جي دوري لاءِ ون ڊي اسڪواڊ جو اعلان گال ٽيسٽ کانپوءِ ڪيو ويندو، پاڪستان ۽ سريلنڪا وچ ۾ گال ٽيسٽ جو اڄ ٻيو ڏينهن آهي. ذريعن موجب ون ڊي اسڪواڊ جو ڪيمپ آگسٽ جي پهرين هفتي ۾ شروع ٿيندو، جڏهن ته پاڪستان ون ڊي اسڪواڊ آگسٽ جي ٻئي هفتي ۾ هالينڊ روانو ٿيندو.ذريعن جو چوڻ آهي ته هالينڊ ۾ کيڏيون 3 ون ڊي ميچون ورلڊ ڪپ سپر ليگ جو حصو آهن، ويسٽ انڊيز خلاف قومي اسڪواڊ ۾ گهڻي تبديلي جو امڪان ناهي. فاسٽ بالر شاهين آفريدي کي 3 ون ڊي سيريز لاءِ آرام ڏنو ويندو.
