بنون(ويب ڊيسڪ) گورنمينٽ گرلز اسڪول ۾ بارودي مواد جو ڌماڪو ٿيو آهي. پوليس موجب بنون جي علائقي خيراڪي ۾ گورنمينٽ گرلز اسڪول ۾ بارودي مواد جو ڌماڪو ٿيو، ڌماڪيدار مواد اسڪول جي ٻاهريان حصي تي لڳايو ويو هو جنهن جي نتيجي ۾ اسڪول جي ديوار ڊهي پئي. پوليس ٻڌايو ته اسڪول ۾ 80 کان وڌيڪ شاگردياڻيون تعليم حاصل ڪري رهيون آهن پر اونهاري جي موڪلن جي ڪري عمارت خالي هئي. پوليس جو چوڻ آهي ته اسڪول ۾ ڌماڪي کانپوءِ علائقي ۾ سيڪيورٽي وڌائي وئي آهي.
