سجاول (سليم ملاح) عوامي تحريڪ پاران بند پيل اسڪول کولرائڻ جي حوالي سان حسين آزاد، ايوب ٻائيتار، مجيد ساگر ۽ ٻين جي اڳواڻي ۾ مامون لاڏو چوڪ کان ريلي ڪڍي پبلڪ پارڪ سجاول وٽ احتجاجي مظاهرو ڪيو ويو جتي اڳواڻن خطاب ڪندي چيو ته ضلعي سجاول اندر لاتعداد اسڪول بند پيا آهن ۽ جيڪي اسڪول کليل آھن اتي استاد ڊيوٽي نٿا ڪن نتيجي ۾ ھزارين معصوم ٻارڙن جي پڙهائي متاثر ٿيڻ لڳي آهي جنهن جا ذميوار چونڊيل نمائندا ۽ سنڌ سرڪار آهي. ھنن مطالبو ڪيو ته فوري طور بند پيل اسڪول کولرائي اتي تعليمي عمل شروع ڪيو وڃي گوسڙو استادن کي ڊيوٽين تي پابند ڪري اسڪولن ۾ گھربل سھولتون مھيا ڪيون وڃن.
