اسلام آباد (بيورو رپورٽ) نائب وزيراعظم ۽ پرڏيهي وزير اسحاق ڊار چيو آهي ته ايران يورينيم ٻاهر موڪلڻ بدران ان جي افزودگي جي سطح گھٽ ڪندو. اسحاق ڊار عرب ميڊيا کي ڏنل انٽرويو ۾ چيو ته آمريڪا شروعات ۾ مطالبو ڪيو هو ته ايران افزودہ يورينيم جا ذخيرا ٻاهر منتقل ڪري، پر ايران يورينيم ٻاهر موڪلڻ بدران ان جي افزودگي جي سطح گھٽ ڪندو. نيوڪليئر فائل، ڄميل اثاثن ۽ لبنان تي 3 ٽيڪنيڪل ورڪنگ گروپس ڪم ڪندا. هن چيو ته هرمز جي پڇاڙي (Strait of Hormuz) تان جهاز 60 ڏينهن تائين بغير ڪنهن ٽيرف جي گذري سگهن ٿا، جهازن کي صرف اسٽينڊرڊ نيويگيشن يا سروس فيس ڏيڻي پوندي. اسحاق ڊار جو چوڻ هو ته صدر ڊونلڊ ٽرمپ آمريڪا-ايران ڳالهين جي ذاتي طور تي اڳواڻي ڪئي. نائب وزيراعظم اسحاق ڊار چيو ته سعودي عرب، قطر، مصر ۽ گڏيل عرب امارات (UAE) ثالثي واري عمل جي حمايت ڪري رهيا آهن، ڳالهين جو ايندڙ مرحلو ڏکيو ٿي سگهي ٿو پر حتمي معاهدو حاصل ڪرڻ جوڳو آهي، ان ڊيل ۾ ڪوبه منفي نڪتو ناهي.
