ڪراچي (اسٽاف رپورٽر)اسٽيٽ بينڪ آف پاڪستان، آڪٽوبر ۾ ڪرنٽ اڪائونٽ بيلنس جاري ڪندي چيو ته ملڪ جو ڪرنٽ اڪائونٽ آڪٽوبر 2025 ۾ 112 ملين ڊالر جي خساري ۾ هو.اسٽيٽ بينڪ چيو ته ملڪ جي آڪٽوبر ۾ درآمدات 5.27 بلين ڊالر هيون، جڏهن ته آڪٽوبر 2025 ۾ برآمدات 2.74 بلين ڊالر هيون. آڪٽوبر 2025 ۾ واپار، خدمتن ۽ آمدني جو خسارو 3.65 بلين ڊالر هو، جڏهن ته آڪٽوبر 2024 ۾ واپار، خدمتن ۽ آمدني جو خسارو 2.82 بلين ڊالر هو.اسٽيٽ بينڪ آف پاڪستان چيو ته واپار، خدمتن ۽ آمدني جو خسارو سال بہ سال 29 سيڪڙو کان وڌيڪ وڌيو آهي، موجوده مالي سال جي پهرين 4 مهينن ۾ ڪرنٽ اڪائونٽ خسارو 733 ملين ڊالر رهيو آهي.اسٽيٽ بينڪ جو چوڻ آهي ته مالي سال 2024-25 جي پهرين 4 مهينن لاءِ ڪرنٽ اڪائونٽ خسارو 206 ملين ڊالر هو، ملڪ جو ڪرنٽ اڪائونٽ خسارو سال بہ سال 255 سيڪڙو وڌيو آهي، هلندڙ مالي سال جي پهرين چئن مهينن لاءِ درآمدات 20.72 ارب ڊالر هيون.اسٽيٽ بينڪ آف پاڪستان چيو آهي ته چئن مهينن ۾ ملڪ جي برآمدات 10.63 ارب ڊالر هيون، مالي سال جي پهرين چئن مهينن ۾ واپاري خسارو 10.09 ارب ڊالر هو، چئن مهينن ۾ واپار، خدمتن ۽ آمدني جو خسارو 14.34 ارب ڊالر هو، جڏهن ته چئن مهينن ۾ مزدورن جي موڪليل رقم 12.95 ارب ڊالر هئي.اسٽيٽ بينڪ چيو ته آڪٽوبر ۾ آئي ٽي برآمدات 5.5 سيڪڙو وڌي 386 ملين ڊالر ٿي ويون ۽ آئي ٽي برآمدات 19.6 سيڪڙو وڌي 1.44 ارب ڊالر ٿي ويون.
