اسلام آباد (بيورو رپورٽ) پاڪستان جي نيول چيف، ايئر چيف مارشل ۽ آرمي چيف فيلڊ مارشل سيد عاصم منير، دفاع جي ڏينهن جي موقعي تي پاڪستان جي شهيدن کي خراج تحسين پيش ڪيو آهي.انٽر سروسز پبلڪ رليشنز (آءِ ايس پي آر) پاران جاري ڪيل هڪ بيان ۾ چيو ويو آهي ته شهيدن جون عظيم قربانيون، غازين جو جذبو ۽ شهيدن جي خاندانن جي ثابت قدمي قومي طاقت ۽ فخر جو ذريعو رهندي.آءِ ايس پي آر موجب، پاڪستان جا شهيد فرض، عزت ۽ قرباني جي اعليٰ قدرن جي علامت آهن. وطن جي محافظن ميدان جنگ ۾، هوا ۾ ۽ سمنڊ ۾ پنهنجون جانيون قربان ڪيون.آءِ ايس پي آر چيو ته شهيدن جون لازوال قربانيون ايندڙ نسلن لاءِ روشني جو مينار آهن، شهيدن جا خاندان ثابت قدمي ۽ جرئت جي دائمي علامت آهن.آءِ ايس پي آر موجب، هٿياربند فوج ملڪ جي خودمختياري، علائقائي سالميت ۽ قومي مفادن جي دفاع لاءِ مڪمل طور تي تيار آهن. پاڪستان خطي ۾ امن، استحڪام ۽ خوشحالي جو خواهشمند آهي ۽ پرامن بقائے باہمی لاءِ پرعزم آهي.آءِ ايس پي آر موجب امن جي خواهش کي ڪمزوري نه سمجهيو وڃي، پاڪستان خلاف ڪنهن به جارحيت جو فوري ۽ فيصلي واري جواب ڏنو ويندو.اڄ سڄي ملڪ ۾ شهيدن جو ڏهاڙو قومي جوش ۽ جذبي سان ملهايو پيو وڃي.61 سال اڳ اڄ کان پاڪستان فوج ۽ پاڪستاني قوم رات جي اونداهي ۾ حملو ڪندڙ دشمن کي تباهه ڪري ڇڏيو.پاڻ کان ڪيترائي ڀيرا وڏي دشمن کي منهن ٽوڙ جواب ڏيڻ جي اها روايت گذريل سال مئي ۾ ورجائي وئي هئي.سيپٽمبر 1965 جي جنگ جي ياد ۾ اڄ شهيدن جو ڏهاڙو ملهايو پيو وڃي، جنهن لاءِ ڪراچي ۾ قائداعظم جي مزار تي هڪ خاص تقريب پڻ منعقد ڪئي وئي.پاڪستان ايئر فورس جي ڪيڊٽس قائداعظم جي مزار تي گارڊز جا فرض سنڀاليا، جڏهن ته ايئر ڪمانڊنگ پي اي ايف اڪيڊمي اصغر خان ايئر وائيس مارشل حسن فيصل تقريب جو مکيه مهمان هو.
