ڪراچي: (اسٽاف رپورٽر) سنڌ جي سينئر صوبائي وزير شرجيل انعام ميمڻ چيو آهي ته صوبي ۾ جاري ترقياتي ڪم حڪومتي ڪارڪردگي جو اعلان آهن. هن چيو ته سنڌ تيزي سان اڳيان وڌي رهي آهي.پنهنجي بيان ۾ شرجيل انعام ميمڻ چيو ته سنڌ ۾ روڊ تعمير ٿي رهيا آهن، گهر تعمير ٿي رهيا آهن، بجلي پيدا ٿي رهي آهي جنهن سان صوبو تيزي سان اڳيان وڌي رهيو آهي. سنڌ حڪومت صرف دعوائون ناهي ڪندي پر انهي جا ترقياتي ڪم ئي انهي جي ڪارڪردگي جو اعلان آهن.شرجيل انعام ميمڻ چيو ته مالي سال 2025-26 جي لاءِ سنڌ جو ترقياتي پروگرام 1.018 ارب روپيه رکيو ويو آهي جنهن ۾ 3.642 اسڪيمون شامل آهن. سنڌ جو ترقياتي بجيٽ ۽ ترقياتي عمل جو حجم پاڻ صوبائي حڪومت جي ترجيحات جو ثبوت آهي.هن ٻڌايو ته گذريل 5 سالن جي دوران 5.636 ڪلو ميٽر روڊ جي تعمير ڪئي وئي، جڏهن ته 1.460 مختلف اسڪيمون مڪمل ڪيون ويون آهن. شرجيل ميمڻ جو چوڻ هو ته سنڌ جي ترقي جو سڀني کان وڏو ثبوت عوام کي ملندڙ سهولتون آهن. هن چيو ته صحت ۽ بنيادي سهولتن جي ميدان ۾ سنڌ حڪومت جون ڪاوشون دنيا لاءِ مثال آهن. ٻوڏ متاثرين جي لاءِ 21 لک پڪن گهرن جو منصوبو دنيا ۾ رليف جو هڪ بي مثال قدم آهي.هن چيو ته ٿرڪول منصوبي سان پيدا ٿيندڙ 3.240 ميگاواٽ بجلي قومي گرڊ ذريعي مڪ جي عوام کي ملي رهي آهي. ونڊ ۽ سولر سميت ڪيترائي قابل تجديد توانائي جا منصوبا به قومي گرڊ جو حصو بڻجي چڪا آهن. شرجيل ميمڻ موجب آبپاشي جي شعبي ۾ 3.675 ميل واهن جي لائننگ جا منصوبا مڪمل ڪيا ويا جنهن سان 5.880 ڪويوسڪ پاڻي جي بچت ٿي. هن چيو ته سنڌ پنهنجي وسيلن کي قومي ترقي ذريعي هٿي ڏئي ٿي. هن ٻڌايو ته سنڌ جو پ پ پ پورٽ فوليو 2010 ۾ تقريبن 5 ارب روپين مان وڌي 2024 ۾ 700 ارب روپين کان وڌيڪ ٿي چڪو آهي. جڏهن ته 142 ارب روپين جا منصوبا جاري آهن.سينئر صوبائي وزير چيو ته مخالف ترقي جو حساب گهرندا آهن. اسان سياسي تقريرن جي بجاءِ انگ اکر پيش ڪندا آهيون. سنڌ جي ترقي ڪنهن هڪ شهر يا طبقي جي ترقي نه آهي پر ملڪي عوام جي ترقي آهي. هن چيو ته سنڌ جي وسيلن ۽ خدمتن سان سموري ملڪ جي عوام بنا ڪنهن فرق جي فائدو کڻي رهي آهي.
